എല്ലാം നന്നായി ചേരണം
നന്നായി തിളയ്ക്കണം
കുറുകണമൊന്നുമധികം വയ്ക്കാതെ
നന്നായിളക്കി പതയ്ക്കണം
തുളുമ്പി; തുളുമ്പിയില്ലായെന്ന് നിറയ്ക്കണം
തുളുമ്പാതെ കുടിച്ചാലും
തുളുമ്പി തുളുമ്പിയെല്ലായിടത്തും
കറ പടര്ത്തണം
അലക്കി നോക്കിയാലും പോകരുത്
ചിലപ്പോള്
ഒന്നും നന്നായി ചേരില്ല
നന്നായി തിളയ്ക്കില്ല
കൂടുതല് തിളച്ചെന്നും വരും
കുറുകില്ല; പതയില്ല
ഒഴിക്കുമ്പോഴേ തുളുമ്പിയൊഴുകി
കുടിക്കാനധികം കാണില്ല
പക്ഷേ കുടിച്ചിടമെരിച്ച്
ദ്രവിച്ച്...
