രാവിലെ
പല്ലു തേക്കാനുമിക്കരിയെടുത്ത് ചെല്ലുമ്പോള്
താഴത്തെത്തൊടിയില്
പാവലിന് പന്തല് കെട്ടുന്ന ബഹളമായിരിക്കും
പിള്ളേ അങ്ങനേല്ലിങ്ങനേന്ന്
വല്യച്ഛനും
യ്ക്കറ്യാം ഞാനാദ്യായിട്ടാ ത് കെട്ടണേന്ന്
പിള്ളേച്ചനും
അന്നേരം ഞാന് ചോദിക്കും
ദെങ്ങ്നാ കെട്ടണേ വല്യച്ഛാന്ന്
കണ്ണിറുക്കിയൊരു ചിരി ചിരിച്ച്
വല്യച്ഛന് പറയും
ദ്ക്കെയൊരു ട്രിക്കല്ലേ
കുശിനിപ്പുരയ്ക്കോല മേയുമ്പോള്
പിള്ളേ കുരുത്തോല നല്ലോണം
വാട്ടിയേ കെട്ടാവുള്ളൂന്ന്
വല്യച്ഛനും
യ്ക്കറ്യാം ഞാനാദ്യായിട്ടാ ത് ചെയ്യണേന്ന്
പിള്ളേച്ചനും
അന്നേരവും ഞാന് ചോദിക്കും
ദെങ്ങ്നാ കെട്ടണേ വല്യച്ഛാന്ന്
വയറിനിട്ടൊരു കുഞ്ഞിക്കിളിയിട്ട്
വല്യച്ഛന് പറയും
ദ്ക്കെയൊരു ട്രിക്കല്ലേ
വല്യച്ഛന് മരിച്ചന്ന്
പിള്ളേ പന്തല് കെട്ട്ണോല്ലോ
മഴ പെയ്താ മാലിപ്പുര കെട്ട്ണോല്ലോന്ന്
ഓരോരുത്തര് ചോദിച്ചപ്പോള്
ബീഡി തുരുതുരെ വലിച്ച്
യ്ക്കൊന്നറീല്ലാന്ന് പറഞ്ഞ്
കണ്ണു തുടച്ചു
പിള്ളേച്ചന്
എന്നാലുമെന്റെ വല്യച്ഛാ
ആ കെട്ടെങ്ങനാ കെട്ടീത്ന്ന്
പറഞ്ഞില്ലല്ലോ ഇതു വരെ.
