കവിതയൊന്നും വരുന്നില്ല
വന്നത് കുറച്ച് പൊടിപടലങ്ങള്
അഴുക്കുവണ്ടിയുടെ വിളികള്
പോയത്
വൈകുന്നേരമഞ്ചരയ്ക്ക്
നാവ് തണുപ്പിക്കുന്ന രുചികളും
പതിവിന്റെ പുഞ്ചിരിയും
കുഴഞ്ഞ് കൂട്ടു കൂടി നടക്കുമ്പോള്
ഇരുട്ടില് മൂത്രമണമുള്ള മതില് ചേര്ന്ന്
വിശപ്പിന്റെ നോട്ടമെറിയുന്ന നിഴലും
നനഞ്ഞു കെട്ട വഴിവിളക്കുകളും
മണങ്ങളും രുചികളും കാറ്റും വെളിച്ചവും
വിലക്കിയൊരു നഗരത്തില്
അഴുക്ക് ചാലില് ഒരു കവിത
വീണൊഴുകി പോയാലെന്താണ്?
2 comments:
കോട്ടയത്തിന്
"തെരുവില് നിന്ന് അപ്രത്യക്ഷമായ നഗരം"
"ഇരുട്ടില് മൂത്രമണമുള്ള മതില് ചേര്ന്ന്
വിശപ്പിന്റെ നോട്ടമെറിയുന്ന നിഴലും
നനഞ്ഞു കെട്ട വഴിവിളക്കുകളും"
തലക്കെട്ടാണോ കവിതയാണോ കലക്കന് ന്നൊരു സംശയം..!
Post a Comment